Anëtarët e Komisionit të Rithemelimit kanë mbërritur sërish sot në seli, për të kryer një inspektim. Deputeti Flamur Noka tha se do të ç’blindojnë godinën. “Ekspertët na thanë që do kohë të ç’bunkerizohet selia”, theksoi Noka.
“I pari ç’bunkerizimi i PD, i dyti që është rrugën me ideo demokrat nga më i thjeshti deri te deputetë e kemi së bashku, pas ç’bunkerizimit të partisë kjo seli do ti rikthehet normalitetit.
Do të jetë e hapur për çdo demokrat. Kjo periudhë do t’i përkasë së shkuarës. Nuk do të dëshiroja as ta kujtonim këtë situatë. Do të shohim përpara të gjithë së bashku, sepse nuk mund të rrimë peng i hijeve të bunkerit, as i mentaliteteve të vjetra. Beteja do të jetë me regjimin, për ta rrëzuar një regjim që po iu pi gjakun shqiptarëve”, shtoi ai.
Dje ish-kryeministri Berisha tha se do të hiqen dyert e blinduara, dhe se procesi i vendimmarrjeve po ecën mjaft mirë.
Do të hiqen dyert e blinduara?
Sali Berisha: Padiskutim, të gjitha, do të normalizohet çdo gjë.
Kur do të presim vendimmarrje të reja z. Berisha?
Sali Berisha: Është një proces vendimmarrje në të gjitha nivelet tani, në bazë, kudo dhe po ecën mjaft mirë. Edhe sot, janë marrë vendime për organizimin dhe vazhdimisht për vendime që kanë të bëjnë me strukturat e PD.
Kur ishte kaq e thjeshtë për të hyrë në seli, a mund të ishte shmangur 8 Janari, pra të pritej vendimi i gjykatës?
Sali Berisha: Tani më ktheni ju mua në kohë mbrapa, unë dua të shoh përpara.
