Sekretari i Përgjithshëm i Partisë Demokratike, Arben Ristani, nëpërmjet një statusi në “Facebook”, është bërë pjesë e replikave të fundit të PD-së.
Ristani ka dalë kundër prononcimit publik të Jozefina Topallit, Eduard Selamit dhe Majlinda Bregut, lidhur me kundërshtimin e vendimit që kryetari i PD-së ka marrë për mos hyrje në zgjedhje.
Sekretari i Përgjithshëm i PD-së shprehet se këto janë “kërcitjet e fundit”, ndërsa theksoi se shtrëngata po mbaron. Ai paralajmëroi më tej se shumë shpejt koha e bukur do të agojë.
“Këto janë kërcitjet e fundit. Mesa duket shtrëngata po mbaron dhe kohë e bukur do agojë”, citohet në mesazhin e demokratit.
