Largimet nga njëri-televizion në tjetrin duket sikur ishin kryefjala e sezonit veror që sapo kaluam. Mjaft moderatore ndryshuan televizion, e shumë imazhe të reja i janë ofruar ekranit.
Po kaq e bujshme ishte rikthimi në “Top Channel” i spikeres së lajmeve Monika Stafa. Pasi u shkëput dy vite duke u vendosur në një post publik, Monika u shfaq duke dhënë lajmet e mesditës.
Me ardhjen e Monikës, një tjetër figurë e njohur, prezantuesja Beti Njuma po mendon largimin.
Burime kanë thënë për “Prive” se largimi i Betit rikthen në vëmendje raportin jo të mirë mes saj dhe Monikës. Dy prezantueset janë përplasur publikisht në vitin 2012, e që atëherë kanë rivalitet të hapur mes tyre. Në një debat të bërë publik në vitin 2012, Njuma dhe Stafa u përplasën me njëra-tjetrën për nivelin e gazetarisë së kulturës në vendin tonë.
Beti deri tani kishte rol kryesor në lajmet e “Topit”, por “Prive” shkruan se prezantuesja po shqyrton ofertat për të kaluar në një tjetër televizion për shkak se nuk e mendon dot “bashkëjetesën” me Monikën.
