Kryeministri Rama është bërë pjesë e debatit për rindërtimin e shkollës “Sami Frashëri” në kryeqytet, pasi u dëmtua gjatë tërmetit të 26 nëntorit të vitit të kaluar.
Nëpërmjet një postimi në facebook, Rama ka shkruar se hipokrizia është helmi më i rrezikshëm dhe se shkolla e re do të rilindë më e sigurt, më e madhe, më e bukur në truallin e shkollës së vjetër.
“Hipokrizia është helmi më i rrezikshëm, do të thoshte Sami Frashëri për ata që dita-ditës këmbëngulin djallëzisht në gabimet e tyre. Shkolla e re që mban emrin e tij, do të rilindë më e sigurt, më e madhe, më e bukur në truallin e shkollës së vjetër”, ka shkruar Rama përkrah një video në të cilën shihen punimet që po kryhen për rindërtimin e shkollës.
Pak orë më parë, akuzave të Kryemadhit i’u përgjigj dhe kryebashkiaku Veliaj, duke thënë se PD dhe LSI nuk kanë ndërtuar asnjë shkollë gjatë qeverisjes së tyre.
