Albana Vokshi, kryetare e Komisionit për Punën, Shëndetësinë dhe Çështjet Sociale në PD, ka reaguar lidhur me raportin ku jepen arsyet pse Holanda kërkon heqjen e vizave me Shqipërinë.
Me anë të një postimi në Facebook, Vokshi ka ironizuar ministrin e Jashtëm Bushati, i cili tha duke iu referuar opozitës se “gjinkallat e 25 qershorit po i kalojnë ethet e gushtit me klithma”.
“Ministri i Jashtëm, nën zhurmën bezdisëse të insekteve shumëkëmbëshe, ‘ngatërroi’ kabllogramet e Holandës për rikthimin e vizave me regjimin e Qeverise ‘Rama’ në toka të gjelbëruara me kanabis…”, shkruan ndër të tjera Vokshi teksa publikon raportin në fjalë.
