Interi ka marrë fitoren e katërt radhazi në kampionat në një transfertë të vështirë përballë SPAL. Ishte Mauro Icardi heroi i zikaltërve në këtë sfidë pasi dy golat e tij vlejtën tre pikë në fundin e takimit. Por përpos fitores, Icardi kishte nevojë të shënonte pasi deri në këtë javë vetëm një gol kishte shënuar.
Ndeshja nisi mirë për zikaltërit të cilët ishin padronët e fushës dhe në minutën e 1’ gjejnë golin e parë. Një krosim në zonë nga kroati Vrsaljiko devijohet me kokë nga Icardo, por decizive ishte ajo prekje me dorë nga Djuru që nxori jashtë loje portierin dhe topi përfundoi në rrjetë.
SPAL shpërdoron një rast të artë për të barazuar, por kjo ishte nata e Handanovic. Arbitri akordoi për faull të Miranda-s ndaj Felipe. Ishte Antenuçi ai që dërgoi mbi traun e portës së Handanovic. Pikërisht slloveni bëri edhe një mrekulli ndaj Felipe-s, ndërsa Interi po me Icardi-n iu afrua golit të dytë.
Pas pushimit, Spal reagoi. Në fillim Petagna shpërdoroi një rast të mirë, ndërsa Paloschi e dërgoi në rrjetë mundësinë e tij. Një derbi për ish-milanistin, që festoi si i çmendur. Por, mbrëmja kishte rezervuar edhe një tjetër gol, sërish me protagonistin Icardi-n. Asist i Perisic dhe argjentinasi që nuk gaboi përballë Gomis. Në fund, Perisic iu afrua golit të tretë për miqtë.
Me këtë sukses, zikaltërit ngjiten në kuotën e 16 pikëve, në vend të tretë të renditjes.
