Sot rikthehet në ekranet e mbarë botës seriali “Friends” me 6 personazhet shumë të dashur nga publiku i shpërndarë në kohë dhe në hapsirë.
Nga fundi i speciales mbi ribashkimin e “Friends” në HBO Max, drejtuesi James Corden u kërkon gjashtë aktorëve të imagjinojnë se si do të ishte jeta e personazheve të tyre sot.
Chandler dhe Monica të martuar. Kështu do të bënin edhe Ross dhe Rachel. Me fëmijë, natyrisht. E njëjta gjë me Phoebe-n. Mister i vetëm ishte Joey, të cilit aktori Matt LeBlanc iu përgjigj me një shaka: “Ai ndoshta do të hapte ndonjë dyqan sanduiçësh në Venecia Beach.”
Ka ndoshta shumë arsye pse njerëzit e përfshirë në serialin Friends nuk u përpoqën t’i çonin ato histori përpara. Do të kishte qenë e vështirë. Me siguri jo të gjithë do të kishin qenë në sintoni . Gjithmonë ekziston mundësia e dështimit.
Aktorja Lisa Kudrow vuri në dukje se krijuesit e shfaqjes, Marta Kauffman dhe David Crane, thanë se ata punuan shumë për t’i dhënë secilit personazh një fund të kënaqshëm në serinë e fundit në 2004-ën.
Ritakimi me Friends u shty me një vit për shkak të pandemisë COVID-19. Sipas Variety, secili prej aktorëve ka marrë 2.5 milion dollarë për t’u shfaqur në specialen e re. Shikuesve u tha se ishte hera e dytë që Kudrow, LeBlanc, Jennifer Aniston, Courteney Cox, Matthew Perry dhe David Schwimmer kishin qenë në një dhomë së bashku që nga filmimi i finales së serialit.
Do të ketë një hapje jashtëzakonisht efektive. Një derë hapet në një skenë të zbrazët të Ëarner Bros-it, ku dikur ishte seti i vjetër i “Friends”. Schwimmer (Rosi) hyn vetëm, duke tundur kokën prej atyre që sheh.
Ai ndiqet, njëri pas tjetrit nga Kudrow, Aniston, LeBlanc, Cox dhe, së fundmi, Perry.
