Një ngjarje e rëndë është regjistruar mbrëmjen e sotme në Vlorë ku një i moshur rreth 70-vjeç ka rënë pre e një grabitjeje. Ngjarja ka ndodhur në lagjen “Rilindja” të këtij qyteti ku bëhet me dije se grabitësit edhe e kanë dhunuar.
70-vjeçari, identiteti i të cilit nuk bëhet ende i ditur, u gjet në banesën e tij i plagosur nga nipi, i cili ka lajmëruar menjëherë ambulancën duke e dërguar të moshuarin në spital ku raportohet se ka fraktura të rënda në kokë.
Grabitësit kanë marrë rreth 1 milionë lekë të vjetra dhe janë larguar me shpejtësi. Nipi i të moshuarit ka treguar se si e gjeti gjyshin të gjakosur dhe e dërgoi në spital me ambulancë.
Kur erdha gjeta derën të hapur dhe gjyshin të gjakosur. Më pas dola dhe mora ambulancën. Më pas vjen policia.
Banesa si ishte?
Ishte rrëmujë. I kishin hedhur të gjitha rrobat në shesh dhe kishin hapur çantat e lekëve. Kishin marrë 1 milion lekë.
Gjyshi në çfarë gjendje u gjet?
Në gjendje shumë të keqe. Ishte i gjakosur komplet.
Keni ndonjë dyshim?
Nuk e di.
Ekziston dyshimi se mund të ketë rrëshqitur vetë?
Nuk e besoj se ai ishte i ulur në divan. Është grabitje se mungonin dhe lekët.
Ju me gjyshin jetoni?
Po bashkë me gjyshin.
(BalkanWeb)
