Deputetja e PD-së, Jorida Tabaku, ka ironizuar kryeministrin Edi Rama përmes nje shprehje që ai vetë e ka përdorur pak kohë më parë, duke cituar Kuranin kundër basteve. Ajo i referohet asaj që ka pohuar kreu i qeverisë, në lidhje me diskutimin për rihapjen e tyre. Prej disa ditësh, Presidenti i Komitetit Olimpik Kombëtar Shqiptar, Fidel Ylli, ka kërkuar që të bëhet një mbledhje për të diskutuar rihapjen e basteve sportive në vendin tonë. Lojërat e fatit në vendin tonë janë zyrtarisht të ndaluara që prej 1 janarit të vitit 2019. Mësohet se gjatë kësaj të marte është pritur edhe një takim mes palëve të interesuara dhe kryeministrit Edi Rama. Këto takime mësohet se po organizohen me kryeministrin Edi Rama dhe ministrat përgjegjës në kuadër të linjës që kanë lidhje me hapjen e biznesit të basteve sportive. Marrë shkas nga këto zhvillime, një reagim është përcjellë nga Tabaku.
“Njeriu që citonte Kuranin për të këqiat e basteve ka lajmëruar diskutimin për rihapjen e tyre. Jam kurioze te di si do ia justifikoje të tijve ndryshimin e mendjes?! Po shqiptarëve që në tetor 2018 u tha se gjithë pronarët e basteve qenë kriminelë?! Çka ndryshuar nga dje?!, shkruan ajo.
Njeriu që citonte Kuranin për të këqiat e basteve ka lajmëruar diskutimin për rihapjen e tyre. Jam kurioze te di si do ia justifikoje të tijve ndryshimin e mendjes?! Po shqiptarëve që në tetor 2018 u tha se gjithë pronarët e basteve qenë kriminelë?! Cka ndryshuar nga dje?! 🧐 pic.twitter.com/C1FllJX0Xa
— Jorida Tabaku (@jorida_tabaku) August 30, 2022
