Juventusi dështoi edhe këtë sezon në Champions League, pasi duket e pamundur që të përmbysë humbjen e thellë që pësoi nga Real Madrid në Torino. Ky dështim pritet të sjellë një furtunë në kampin bardhezi, pasi drejtuesit janë mjaft të zhgënjyer nga dështimet e njëpasnjëshme.
I pari që do të sakrifikohet në fundin e sezonit duket se do të jetë Massimiliano Allegri, ndërsa mediat italiane raportojnë në mënyrë të bujshme se drejtuesit e Juventusit kanë kërkuar informacione për Carlo Ancelottin.
Ideja për të rikthyer sërish në pankinë Carletton, duket se i josh bardhezinjtë, pasi Ancelotti njihet si një ekspert i Championsit, të cilin e ka fituar si me Milanin ashtu edhe me Realin e Madridit.
