Meta ka folur gjatë verës për një shtator të vrullshëm e me protesta, që do të rrëzojë regjimin e Edi Ramës. Në një deklaratë për mediat, kreu i Partisë së Lirisë tha se opozita do të vazhdojë në rrugën e protestave, pasi për të, është vetë shteti që i provokon ato.
“Unë besoj se ju nuk doni të shikoni protestat. Protestat që keni parë të fëmijëve dhe prindërve, të gjimnazistëve, prindërve, pedagogëve, gjithçka tjetër, mos i nënvlerësoni këto protesta sepse burojnë nga shpirti i qytetarëve të provokuar në mënyrë të pashpirt.
Nga një qeveri që nuk ka asnjë lidhje me ligjin, me kujdesin ndaj qytetarëve. Do të vazhdohet në rrugën e protestave, sepse protestat i prodhon vetë kjo qeveri mizore me qytetarët shqiptarë”, tha Meta.
