Vendin e pret një fundjavë e ngrohtë. Dita e shtunë, përgjithësisht do të jetë me diell e vranësira të lehta kalimtare. Të dielën parashikohet zhvillim i vranësirave të cilat në mesditë e pasdite, do të pasohen nga reshje shiu lokale në afate të shkurtra kohore.
Era do të fryjë nga kuadrati i jugut e lehtë e mesatare në bregdet, gjë e cila do të sjellë rritje temperaturash si në mëngjes dhe në mesditë, kryesisht të shtunën.
Valëzimi në det parashikohet i forcës 3 dhe 4. Era dhe valëzimi do të vijnë në shtim prej mesditës së të dielës.
