Protesta në Rinas, Rama-Metës: Ta harrosh rrëzimin e qeverisë dhe shtetit

Kryeministri Edi Rama i është përgjigjur Presidentit të Republikës Ilir Meta, i cili deklaroi se pezullimi i punës në Aeroportin e Rinasit, është për shkak të mosmarrjes parasysh të kërkesave të kontrollorëve.

Rama thotë se këto janë dokrra, ndërsa e akuzon Metës si një nga dy nxitësit e situatës pasi kërkon rrëzimin e qeverisë dhe shtetit.

”Ilir,dokrrat me injorimin e kërkesave të pseudosindikatës së kontrollorëve dhe predikimet për mosndërprerjen e punës në aeroport nuk pinë ujë!Je një nga dy nxitësit e kësaj goditjeje të çmendur, në kërkimin e palodhur të rrëzimit të qeverisë e të vetë shtetit!T’i harrosh të dyja!”, shkruan Rama në rrjetin social, Twitter.

Çfarë tha Presidenti Meta

Meta: Qeverisë së 1 Prillit do t’ia jap sot pasdite nga Vlora përgjigjen për çështjen e Aeroportit të Rinasit, si çështje shumë e rëndësishme e sigurisë kombëtare dhe e detyrimeve ndërkombëtare.

Nëse është hapur Aeroporti i Vlorës, konferencën e shtypit do e bëjmë atje, por nëse jo, në një ambient tjetër të përshtatshëm për të cilin gazetarët do të njoftohen në kohë.

Ftohet dhe “Tërmeti” të marrë pjesë për shkak të përvojës së tij me aeroportet, fluturimet dhe jo vetëm.