Italia ka shënuar sërish një rritje në numrin e viktimave nga koronavirusi në bilancin ditor.
Teksa prej ditësh tashmë shteti fqinj po shikonte një përmirësim të situatës, gjendja duke të jetë rënduar përsëri.
Në 24 orët e fundit në Itali kanë humbur jetën 619 persona, ndërsa janë shënuar 4,694 raste të reja.
Kështu ka shkuar në 19, 468 numri total i viktimave të shënuara nga COVID-19. Sipas autoriteteve shëndetësore, vetëm në Lombardi ku prej kohësh ka qenë vatra më e prekur e koronavirusit, janë shënuar 273 viktima.
Deri më tani Italia ka regjistruar mbi 152 mijë raste, teksa vetëm 100,269 janë ende raste aktive në vend.
2,079 persona janë shëruar në 24 orët e fundit në shtetin fqinj, duke e çuar në 32,534 numrin total personave që kanë mposhtur koronavirusin.
Ndërkohë mësohet se 3,381 persona të shtruar në spital ndodhen në gjendje kritike për jetën.
Italia vijon të mbajë vendin e parë për numrin më të madh të vdekjeve në botë, e ndjekur nga SHBA, Spanja, Franca dhe Mbretëria e Bashkuar.
