Në Shqipëri është rënduar bilanci si pasojë e koronavirusit.
Ministria e Shëndetësisë njofton se gjatë 24 orëve të fundit kanë ndërruar jetë edhe dy pacientë të tjerë me COVID-19 ndërsa janë konfirmuar 64 raste të reja.
“Në 24 orët e fundit, referuar shërbimit infektiv, një paciente 78-vjeçare nga Tirana, e transferuar nga një spital jopublik, ka ndërruar jetë në spitalin infektiv, megjithë trajtimin intensiv në reanimacion dhe një pacient 83-vjeçar nga Durrësi, në terapi intensive, i cili vuante nga hipertensioni.
Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve”, thuhet në njoftimin e MSH.
