Kosova ka regjistruar një rritje të ndjeshme të viktimave nga Covid-19, pasi në 24 orët e fundit, 17 pacientë nuke fituan betejën me virusin.
Instituti Kombëtar i Shëndetësisë Publike (IKSHPK,) ka njoftuar se janë shënuar edhe 781 raste të reja me koronavirusin e ri, bazuar në 3.634 mostra të testuara.
Më së shumti persona pozitivë kanë dalë në Prishtinë, gjithsej 243 raste. Ndërkohë, gjatë 24 orëve të fundit nga sëmundja janë shëruar edhe 764 pacientë.
Njoftimi i plotë:
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3 mijë e 634 mostra, nga të cilat 781 kanë rezultuar pozitive dhe 764 persona janë shëruar.
Brenda 24 orëve janë raportuar 17 raste të vdekjes me SARS CoV-2 pozitiv. Rastet e vdekjes janë nga komunat: Fushë-Kosovë 2 raste (52, 41 vjeç), Gjilan 2 raste (81, 79 vjeç), Prizren 2 raste (70, 83 vjeç), Suharekë 2 raste (77, 78 vjeç), Drenas 1 rast (77 vjeç), Gjakovë 1 rast (86 vjeç), Istog 1 rast (74 vjeç), Lipjan 1 rast (60 vjeç), Mitrovicë 1 rast (81 vjeç), Prishtinë 1 rast (21 vjeç), Viti 1 rast (69 vjeç), Vushtrri 1 rast (65 vjeç), Ferizaj 1 rast (78 vjeç).
Numri total i rasteve pozitive është 84.498 raste nga 397.347 persona të dyshimtë në virusin SARS-CoV-2 dhe 1.803 raste të vdekjes.
