Rëndohet bilanci i viktimave të gjetura nën rrënojat e godinave të shembura si pasojë e tërmetit të 26 nëntorit.
Ministria e Mbrojtjes konfirmon se janë nxjerrë 3trupa të pajetë në zonë e ish-kënetës. Viktimat nuk janë identifikuar ende, ndërsa po dërgohen drejt morgut të spitalit të Durrësit.
Kështu numri në total i viktimave të shkaktuar nga tërmeti 6.4 ballë ka shkuar në 45. Ndërkohë deri më tani janë raportuar më shumë se 650 të plagosur të cilët po marrin trajtimin e duhur shëndetësor.
Operacionet për kërkim-shpëtimin e personave që kanë mbetur të bllokuar nën rrënoja vijojnë akoma. Në kohën kur kanë kaluar më shumë se 60 orë që nga lëkundja e tërmetit të fuqishëm, mundësitë për të gjetur persona të gjallë nën rrënoja pakësohen.
