Numri i të prekurve nga koronavirusi në Greqi po rritet me ritme të shpejta.
Sipas mediave greke, në vetëm 24 orët e fundit janë shënuar 21 raste të reja me virusin vdekjeprurës. Deri më tani numri total i të prekurve në shtetin fqinj ka shkuar në 352, nga të cilët 65 janë shëruar ndërsa 4 kanë ndërruar jetë.
Raportohet se 9 pacientë të prekur me koronavirus janë në gjendje më të rëndë. Koronavirusi ka marrë dhenë në Evropë, duke e kthyer kontinentin në epiqendrën e re të virusit vdekjeprurës.
Vendi më i prekur është Italia, ku janë shënuar më shumë se 1,800 viktima dhe mijëra persona të infektuar. Më pas vijnë Franca, Gjermania dhe Spanja.
