Për fat të keq, duket se me kalimin e ditëve shtohen edhe më shumë rastet e personave të helmuar nga uji në Bulqizë. Në spitalin e Bulqizës janë paraqitur edhe 15 qytetarë të tjerë, pasi kërkojnë ndihmë nga bluzat e bardha, pas shfaqjes së helmimit.
Në total, numri i banorëve që janë paraqitur me shenja intoksimi, siç dyshohet deri tani nga uji i pijshëm shkon në 130. Personat e helmuar banojnë në lagjen e vjetër në Bulqizë, e cila furnizohet me ujë të pijshëm nga tubacionet që kalojnë nëpër galeritë e minierave të zonës D.
