Fitoret në dy ndeshjet e nëntorit për Ligën e Kombeve i dhuruan Shqipërisë vendin e parë në grup, por edhe një impakt pozitiv në renditjen e përgjithshme të FIFA-s. Skuadra e drejtuar nga Edi Reja ka fituar tre pozicione duke u ngjitur në vendin e 66.
Shqipëria mundi në fillim Kazakistanin dhe më pas Bjellorusinë. Nuk ka ndryshime për pozicionin e Kosovës, që vazhdon të mbajë vendin e 117.
Nuk ndryshon për këtë muaj as kryesimi. Belgjika vazhdon të mbajë vendin e parë, e ndjekur nga Franca dhe Brazili.
Në bazë të kësaj renditjeje, është bërë edhe vendosja e kombëtareve në vazot përkatëse të shortit të kualifikueseve për Botërorin 2022.
