Franca vijon të jetë një nga vendet që shënon numrin më të madh të viktimave nga koronavirusi, në periudhën kohore prej 24 orësh.
Sipas Worldometer, në 24 orët e fundit në vend janë shënuar 531 viktima, 16 më pak se ditën e djeshme ku u regjistruan 547 persona të vdekur. Kështu shkon në 20,796 numri total i viktimave të shënuara nga virusi COVID-19.
Ndërkohë janë shënuar 2,667 raste të reja infektimi, duke e çuar në 158,050 numrin total të personave të infektuar.
Franca është vendi i katërt në botë për numrin më të madh të personave të infektuar nga koronavirusi dhe për numrin më të madh të viktimave (20,796).
Deri më tani në Francë janë shëruar mbi 39 mijë persona. Numri i rasteve aktive është 98,073, prej të cilëve 5,433 ndodhen në gjendje të rëndë shëndetësore.
Koronavirusi ka prekur më shumë se 2,5 milionë njerëz nga e gjithë bota, ndërsa i ka marrë jetën mbi 175 mijë personave.
