OSHEE bën me dije se ditën e nesërme do të ketë kufizime të energjisë elektrike për disa nga zonat e Tiranës.
Sipas OSHEE-së, për shkak të remontit të planifikuar në fiderat e nënstacionit Valias,do të stakohet energjia elektrike në Bërxullë dhe Domje gjatë intervalit kohor 09:30-14:30.
Po ashtu, gjatë intervalit kohor 09:00-14:00 do të kryhet remont në një prej fiderave të nënstacionit Kinostudio. Si pasojë do të mbeten pa energji pjesërisht zona e Tufinës, fshatrat Tujan, Ferraj.
Ndërsa në orën 09:00-15:00, në datën 3 qershor, do të kryhet remont në një prej fiderave të nënstacionit Ndroq. Kështu do të mbesin pa energji zonat Ndroq, Pinet, Callnet dhe Cala Bërzez.
