Akademia Amerikane e Pediatrisë (AAP) rekomandoi që të gjithë fëmijët e moshës mbi 2 vjeç të mbajnë maska kur të kthehen në shkollë këtë vit. Masa është kërkuar që të merret pavarësisht nga statusi i vaksinimit.
AAP tha se është e rëndësishme për fëmijët që të kthehen në shkollë këtë vit por duhet të mbajnë maska për të qenë sa më të sigurtë, shkruan NBC News.
“Ne kemi nevojë për t’i dhënë përparësi kthimit të fëmijëve në shkolla së bashku me miqtë dhe mësuesit e tyre – dhe të gjithë ne luajmë një rol në sigurimin që kjo të ndodhë në mënyrë të sigurt. Kombinimi i shtresave të mbrojtjes që përfshijnë vaksinimet, maskimin dhe higjenën e duarve të pastra do ta bëjë mësimin personal të sigurt dhe të mundshëm për të gjithë.”, tha Sonja O’Leary, kryetare e Këshillit të AAP për Shëndetin e Shkollës.
Fëmijët mbi moshën 12 vjeç kanë të drejtë të vaksinohen në SHBA dhe FDA tha javën e kaluar, se autorizimi i urgjencës për vaksinat për fëmijët nën 12 vjeç mund të vijë në mes të dimrit.
Dr. Anthony Fauci, drejtori i Institutit Kombëtar të Alergjisë dhe Sëmundjeve Infektive dhe këshilltari kryesor mjekësor i presidentit, tha se udhëzimi ka kuptim.
