E hënë, 24 Janar, 2022
0.5 C
Tirana

Reja dhe Hysaj në konferencë për shtyp: Do luajmë shanset tona me të gjithë

Trajneri i Kombëtares shqiptare të futbollit, Edoardo Reja dhe kapiteni Elseid Hysaj kanë dalë mbrëmjen e sotme në konferencën zyrtare për shtyp, në prag të ndeshjes që kuqezinjtë tanë do të zhvillojnë ndaj San Marinos në transfertë, e vlefshme për kualifikueset e Botërorit “Katar 2022”.

Trajneri Reja u ndal të flasë për ndeshjen me Anglinë, San Marinon, që në asnjë mënyrë nuk duhet parë si skuadër e lehtë, zhurmën e krijuar mbi një çështje Kamberi dhe shanset e Shqipërisë për kualifikim. “Atmosfera pas një humbjeje është gjithmonë njëlloj. Luajtëm mirë në mbrojtje ndaj një ekipi si Anglia. Nuk dolëm në lojën tonë siç kishim menduar, për të kundërsulmuar në disa momente. Nuk shfrytëzuam hapësirat. Anglia nuk gjuajti shumë në portë në 45 minuta. Ata kanë lojtarë të mëdhenj dhe ne ishim të ndërgjegjshëm për shanset tona”.

Skuadra që do të zbresë në fushë ndaj San Marinos? “Të gjithë i kanë mundësitë të luajnë. I kam parë pak në stërvitje, koha është e pakët. Do kem mundësinë t’i shoh sot lojtarët dhe nesër do të flas me doktorin dhe përgatitësin atletik, për të mësuar më shumë mbi formën dhe pastaj do të vendos për formacionin. Kam 23 lojtarë dhe nuk do të bëj eksperimente. Nesër luan Strakosha, jo Berisha. Janë dy portierë shumë të mirë dhe duhet të zgjedh njërin. Përpiqem edhe të bëj rotacion e t’i jap një mundësi. Sa i takon shiritit, kur është Berisha e mban ai shiritin. Ndryshe është Hysaj. Ne duhet të orientohemi përpara. U kam kërkuar lojtarëve të shkojnë përpara, por kemi pasur pak ditë në dispozicion të stërvitemi. Është ndryshe nga klubet. Ka shumë raste kur shkojmë në zonë me 4-5 lojtarë, jo nga goditjet standarde. Dëgjoj të thuhet se është ekip i lehtë San Marino. Nuk ka skuadra të lehta, janë të gjitha të përgatitura dhe nuk duhet të nënvlerësojmë asgjë.

Kamberi? Nuk është absolutisht e vërtetë ajo që thuhet për Kamberin. Më vjen keq që ndodh, është e turpshme. Nuk ka një çështje Kamberi. Ai ka bërë ekon dhe nuk dukej gjë, por ai ka thënë se ka dhimbje gjithë kohës. E futa në nxehje para Anglisë dhe tha që ka dhimbje dhe e lamë jashtë. Lojtari është me ne, e keni parë edhe këtu në San Marino. Më vjen keq që krijohen situata të pavërteta. Kam 28 lojtarët, luajmë çdo tre ditë. Kam mundësi zgjedhje, por do të luajnë ata që janë më në formë. Nëse ka lojtarë të dëmtuar nuk do të vë në siklet asnjë”.

Kualifikimi? “Jemi në një grup të fortë, me rivalë të vështirë. Gjithsesi kemi treguar se jemi rritur dhe duhet treguar me Poloninë e Hungarinë. Është eksperiencë e rëndësishme që mund të na tregojë se ku mund të arrijmë në të ardhmen”.

Kapiteni Hysaj u shpreh se skuadra është gati për ndeshjen me San Marinon dhe nuk lejohet nënvlerësimi. “Jemi gati për këtë ndeshje. Kemi përballë një skuadër që qëndron në mbrojtje, kemi folur me trajnerin dhe do të luajmë për të gjetur sa më shumë hapësira. Kemi një skuadër të fortë dhe në të ardhmen do te jemi akoma më të fortë. Duhet të jemi më të përqendruar se ndaj Anglisë. Në letër duket një ndeshje e lehtë por skuadrat që qendrojnë mbrapa janë gjithmonë të sikletshme. Jemi në një grup ku do të luajmë shanset tona me të gjithë. Me përqendrim maksimal mund të bëjmë shumë mirë Me Anglinë luajtëm ndeshjen tonë, me pak fat dhe disa elementë në favor mund të kishim marrë një barazim.

- Reklama -

Më shumë nga kategoria




Të fundit

Ndërron jetë aktori i njohur turk, luajti në serialin “Ertogrul”

Aktori i njohur turk, Ayberk Pekcan, ka ndërruar jetë në moshën 51-vjeçare. I ndjeri ka luajtur në serialin “Ertogrul” dhe “Osman”. Mediat turke thonë se...

Gjirokastritët dhe korçarët më punëtorë, Lezha, Dibra dhe Tirana më “dembele”

Qarqe të ndryshme të vendit shfaqin sjellje ekstreme ndaj punës, pasi në disa prej tyre popullsia në moshë punë (+15 vjeç) shfaq një interes...

Makthi i Berishës nga institucionet që nuk e njohin

Nga: Mero Baze Sali Berisha tani ka nisur luftë me çdo institucion zyrtar, politik apo fetar që nuk e pranon më si Kryetar të PD,...

“Blindohen” zgjedhjet në Shoqatën e Tiranës, hyrja me kartë identiteti

Në orën 15:00 do të nisin zgjedhjet e Shoqatës Rajonale të Futbollit të Tiranës. Aktualisht është vënë re prezencë e forcave të policisë private,...

Nis hakmarrja pas përgjimeve, Tatimet ‘mësyjnë’ te bizneset e Armand Dukës

Bashkia e Tiranës me në krye Erion Veliaj, ka marrë zotimin për të "pastruar futbollin". Prokuroria e Tiranës ka nisur sot një hetim për...