Meta: Koha për të ndalur shpopullimin është tani!

Me anë të një postimi në facebook pak minuta më parë, Presidenti Ilir Meta nisur nga një shkrim i revistës ‘Monitor’ ka cekur një pikë nevralgjike në aktualitetin shqiptar, atë të emigrimit dhe të shpopullimit. Ndër të tjera Meta shkruan se koha për të ndalur shpopullimin është tani!

Statusi i Metës:
Largimi i trurit dhe i rinisë është një plagë e madhe për vendin.
Një tjetër institucion prestigjoz, Instituti për Studime Ekonomike Ndërkombëtare i Vjenës, bën me dije se fenomeni i shpopullimit në Shqipëri, gjatë viteve të fundit është përkeqësuar sidomos me largimin e grupmoshave 20-24 vjeç.
Studimi vëren se nga 105 mijë qytetarë që ikin nga Shqipëria, 40,700 persona janë të arsimuar ose 40 për qind e totalit.
Largimi i trurit dhe i forcave të reja dhe më krijuese të shoqërisë duhet ndalur sa më parë.
Të rinjve tanë u duhen ofruar më shumë shpresë, alternativa edukimi dhe punësimi, ndërsa të arsimuarve më shumë shanse të barabarta, vlerësim meritokracie dhe vende pune, ku të shfaqin talentin dhe potencialin e tyre intelektual.
Shqipëria ka nevojë për “brain gain” dhe jo “brain drain”!
KOHA PËR TË NDALUR SHPOPULLIMIN ËSHTË TANI!

https://www.monitor.al/shqiperia-me-rrjedhen-me-te-larte-te-trurit-ne-rajon-40-e-te-larguarve-nga-2012-2019-te-arsimuar/?fbclid=IwAR3z6aFra5PrBZN9YJI7_v0nzW_EKW9cGcaD8dG8QZNfWgdyHmz17jVHM3o