Për të gjitha ata që nuk kanë bërë regjistrimin e vendbanimit, aty ku jetojnë realisht, kanë kohë deri më 10 maj, datë brenda së cilës mund të regjistrohen duke i shpëtuar edhe gjobës.
Ministria e Brendshme, bën me dije se regjistrimi është falas dhe për këtë mjaftojnë dy dokumente: Kontrata e qirasë, ose dokumenti i pronësisë dhe Fotokopje e Kartës së Identitetit për çdo person mbi 16 vjeç.
Njoftimi i Ministrisë së Brendshme:
KUJTESË mbi pezullimin e masës administrative/gjobë ? për të gjithë shtetasit që nuk e kanë bërë regjistrimin e vendbanimit ? aty ku banojnë realisht.
Pezullimi i masës administrative zgjat deri në datë 10 maj 2019.
Për të bërë regjistrimin FALAS, qytetarët duhet të dorëzojnë pranë zyrave të Gjendjes Civile këto dokumente:
Dokument i pronësisë, ose kontratë qiramarrje/huadhënie/përdorimi apo banimi (fotokopje e noterizuar)
Fotokopje e Kartës së Identitetit për çdo person mbi 16 vjeç.
