Regjisori i njohur, Katriot Çipi tha sonte se i gjithë projekti për teatrin kombëtar është një mashtrim i madh. I ftuar në studion e lajmeve të “News 24”, Çipi deklaroi se qëllimi kryesor është që të shembet teatri pastaj dinë ata se çfarë bëjnë aty.
Regjisori tha se projekti që është paraqiture te ne është i vjedhur. Ai deklaroi së është prezantuar dhe është porositur më parë nga bashkia e Busanit. Çipi tha gjithashtu se ky projekt tek ne është sjellë më sallë zvogëlimi 7 fish më të vogël, ku nuk mund të dalin kurrë 3 salla teatri.
“Ky projekt është bërë me porosi të bashkisë së Busanit dhe është bërë për një truall 63 mijë metra katrorë, në një ishull brenda portit të Busanit. Gjurmët e ndërtesës duhet të jenë për një truall për 20 mijë metra katrorë. Ndërsa ky i joni është një punë studenti. Janë marrë rendurat e këtij projekti dhe është punuar me shkallë dhe është zvogëluar me shtatë. Por me ketë zvogëlim nuk ka më vend për 3 salla. Unë vë bast me këdo që në këtë projekt nuk mund të këtë 3 salla teatri,” deklaroi Çipi.
Ndërkohë, regjisori tha se gjithçka është mashtrim dhe behët vetëm që të prishet teatri. Ai deklaroi se pas teatrit të ri do të ndërtohen katër kulla të cilat do të shkojnë deri tek qendra tregtare “Toptani”.
“Kemi të bëjmë vetëm më një mashtrim. Qëllimi është që të behët shembja se pastaj dinë vetë se si e bëjnë këta. Janë 4 kulla që do ndërtohen aty pas teatrit. Flitet se do të shembet edhe FRPD-ja por dhe Sarajet e Vjetra” tha Çipi.
Gjithashtu, Çipi deklaroi se teatri është hequr qëllimisht para një viti nga objektet që ruhen nga shteti me qëllim që të shembet. Ai tha se kur Meta ishte kryeministër dhe Rama ministër Kulture e vendosën në objektet e rëndësisë së veçantë dhe të mbrojtura nga shteti. Ai tha se shteti nuk e publikon dokumentin ku teatri ka dalë nga zonat e mbrojtura, Regjisori pohoi se e ka kërkuar po nuk ja kanë dhënë.
“Teatri ka filluar që të ndërtohet që në kohën kur ka qenë akoma mbreti Zog në Shqipëri dhe që në atë kohë janë bërë shpronësimet.
Para disa vitesh, kur Meta ka qenë kryeministër dhe Rama ministër kulture, teatrin kombëtar është futur në objektet dhe zonat e mbrojtura. Por kjo është zhbërë vetëm një vit më parë.
Në zonën e re të mbrojtur është hequr Teatri Kombëtar që prej prillit të vitit 2017. Unë kam kërkuar që të kem dokumentin pse është hequr Teatri Kombëtar nga zonat e mbrojtura dhe nuk ma kanë dhënë. Ata e konsiderojnë top sekret këtë material,” deklaroi Çipi.
