Eksperti i virologjisë, Johan Giesecke ka paralajmëruar të gjithë shtetet që janë vendosur në karantinë, se po vonojnë “të pashmangshmen”.
Eksperti suedez i del kështu në mbrojtje vendit të tij, i cili zgjodhi të mos izolohej si gjithë të tjerët për frenimin e pandemisë.
“Përpjekjet për të ndaluar përhapjen e sëmundjes janë ‘të kota’, sepse të gjithë ka të ngjarë të ekspozohen ndaj saj përpara se të gjendet një trajtim”, thotë ai.
Giesecke deklaroi se numri i vdekjeve në Danimarkë, Norvegji dhe Finlandë do të rritet në përputhje me ato të vendit të tij, pasi të lehtësohen ndjeshëm kufizimet javët e ardhshme.
Eksperti ka folur edhe për rastin e Zelandës së Re, e cila ka arritur të frenojë ndjeshëm shpërthimin epidemik me masat e saj izoluese dhe testimet masive. Sipas tij, Zelanda e Re rrezikon ta importojë infeksionin nga vende të tjera.
Johan Giesecke shprehet se mënyra e vetme për ta zbutur këtë virus është të karantinohen të gjithë të ardhurit nga jashtë kufijve për 14 ditë. Ndërsa shtoi se këto masa do të duhet të mbeten në fuqi deri sa të gjendet vaksina.
Suedia regjistron deri më tani më shumë se 25 mijë raste infektimi dhe 3,175 viktima.
