Opozita e bashkuar po proteston sot para Kuvendit, kundër qeverisë. Në kohen kur në Kuvend po zhvillohet seanca plenare, kandidatë të Partisë Demokratike që kanë refuzuar mandatin po mbajnë fjalimet e tyre jashtë godinës.
Por, një nga kandidatët në listat e opozitës për deputetë në Sarandë ka humbur ndjenjat, ndërsa ka marrë ndihmën e shpejtë mjekësore nga deputetë dhe protestues.
Mësohet se gjatë fjalimit të saj, ajo u shpreh: “Unë isha përfaqësuesja direkt e PD në listën e Sarandës, dhe sot KQZ më kërkoi të merrja mandatin.
Unë nuk mund ta pranoja atë mandat”. Mesa duket, disa minuta pas fjalës ajo është ndjerë keq, duke humbur ndjenjat. Fjalimet janë ndërprerë për disa minuta derisa ajo ka marrë veten.
