PD-LSI vijojnë ende betejën e hapur sa i takon refugjatëve. Deklaratat e zëshme të Ramës, nuk kanë bindur aspak opozitën, e cila vijon me të njëjtat ritme përballjen e ashpër me kryeministrin, duke i kërkuar që të japë llogari për këto shifra absurde të ardhjes së refugjatëve.
Reagimi i radhës ka ardhur nga Edmond Panariti, i cili përmes një statusi në Facebook, kundërshton plotësisht qëndrimin e Ramës.
Sipas tij, vendi ynë, falë pozicionit të saj konsiderohet një stacion i preferuar. Duke vijuar në të njëjtën linjë, ai bën me dije se Shqipëria është vetëofruar për të qenë pritëse dhe këtë e deklarojne politikanë evropianë.
