Bashkëkryetari i Komisionit të Posaçëm për reformën zgjedhore, Damian Gjiknuri, ka folur rreth tryezës së mbledhur sot nga OSBE.
Në një prononcim për mediat, Gjiknuri u shpreh se qëllimi i saj është për të parë përtej fushatës edhe financimin e partive.
“Qëllimi i tryezës është më i gjerë, për të parë përtej fushatës edhe financimin e partive. Ka diskutime nga më të ndryshmet problemet kryesore janë aspekti i raportimi, kufizimet në shuma por edhe idetë apo kërkesa që kanë ardhur nga institucionet ndërkombëtare edhe për të kufizuar reklamat politike apo edhe për ti eliminuar ato”, tha ai.
Gjiknuri komentoi edhe prezencën e PD-së në këtë tryezë, teksa shprehet se ata duhet të vijnë me propozime konkrete.
“PD e presim të vi me propozime konkrete në procesin e reformës zgjedhore dhe kur të shohim propozime të shkruara, se deri më tani nuk kemi parë gjë, përveç deklaratave politike, do shprehemi në lidhje me to.
Sa i përket rolit të PD, prezenca e saj në tryezë është e mirëpritur. Unë jam i bindur që ne mund të kemi mundësi ta shfrytëzojmë këtë tryezë për të adresuar edhe çështje të reformimit të partive politike, sepse ajo mund të jetë një gjë që mund të trajtohet jashtë kuadrit të reformës zgjedhore, Pra, legjislacioni i ri për financimin e partive politike do të përfshije edhe partitë kryesore shqiptare që në këtë rast është edhe PD”, përfundoi Gjiknuri.
OSBE ka mbledhur sot tryezën e dytë për reformën zgjedhore në nivel teknik.
