Kryetari i LZHK-së, Dashamir Shehi ka komentuar deklaratat e ambasadores së SHBA-ve, Yuri Kim për reformën në drejtësi.
Në një intervistë për News24, Shehi tha se këto deklarata janë në adresë të kryeministrit Rama. Ai theksoi se reforma në drejtësi është e pandalshme por se kreu i qeverisë nuk e do atë.
“Rama po pengon reformën në drejtësi. Deklarata e ambasadores Kim është për Edi Ramën. Kim ka vënë gishtin në plagë. Reformën në drejtësi nuk pengohet edhe nëse duam”, tha ai.
Më tej, Shehi deklaroi se nuk është dakord me pikat e presidentit Meta në platformën e tij. Sipas tij, ato janë më shumë pika që duhet t’i plotësojë Rama.
“Është koha që t’i kthehemi institucioneve. Nuk jam dakord me pikat. Kjo sepse duhet që të kemi pika institucionale dhe jo diçka që thuhet nga presidenti. Gjithsesi, shumica e atyre pikave është për qeverinë. Janë për Edi Ramën ata pika. Nuk janë për ne opozitën. T’i dalë për zot Edi Rama, sepse ai iu del për zot gjërave aty ku ka interes. Presidenti Ilir Meta shpesh herë bën mirë, por nuk do të thotë se opozita gjithmonë është dakord me kreun e shtetit. Ne jemi bashkësi tjetër, që ndonjëherë edhe ne na bashkohen pikat me presidentin. Por ne nuk mund të marrim çdo lloj ideje, sepse nuk është ky misioni opozitar”, tha ai.
