Netflix i ka dedikuar një dokumentar të plotë byrektores shqiptare të sipërmarrësit Adnan Akiki, duke e titulluar “Somebody Feed Phil”. Byrektorja e sipërmarrësit Adnan Akiki, është shumë i njohur në Kroaci që nga viti 1983.
Në një lidhje me Skype për “ABC e Mëngjesit”, Adnani tregoi gjithçka lidhur me sipërmarrjen e tij, të cilën e ka trashëguar brez pas brezi.
Ai zbuloi edhe të veçantën që ka byreku i tij, që njerëzit e pëlqejnë shumë. Receta është 50-vjeçare, e cila është trashëguar nga gjyshi e babai i tij. Po kështu e kanë trashëguar djali i tij dhe familjarët.
“Nuk është rastësisht, sepse është diçka speciale për punimin e brumit. Ne e kemi biznes familjar, kemi edhe disa punëtor që punojmë së bashku.
Prodhimi i byrekut është diçka speciale, receta jonë është speciale 50-vjeçare, babai, gjyshi im, do e trashëgojmë. Djali im po vazhdon, djali i vëllait po ashtu. Nuk është rastësisht që të dalësh në Netflix, janë paraqitur nga Australia, nga Amerika.
Në moshën 16-17 vjeç i shikoja që bënin byrek dhe e provova. Mbarova shkollën e mesme, shkollën nuk e vazhdova se filloi lufta. Byreku jonë ka të veçantë që brumi hapet me dorë. Duhet lënë nja dy orë e gjysmë deri në tre. Ne e bëjmë me tre dhe katër petë. Kemi gjashtë lloje byrekësh me shije të ndryshme, nga gjiza, mishi, deri te patatja”, u shpreh Adnani.
