Ish-Ministri i Drejtësisë, Ylli Manjani, ka përveshur “mëngët” dhe ka ngritur një sërë pyetjesh, në të cilat kërkon përgjigje nga Prokuroria. Ai e quan anomali faktin që mund ti thurësh lavde qeverisë, pse u bë i mundur arrestimi i djalit të deputetit socialist pas një kohe të gjatë, kur edhe çështja u bë publike për mediat.
Ai kërkon sqarim nga ana e Prokurorisë, se përse nuk e arrestoi djalin e deputetit që në korrik, kur e dhunoi vajzën?
Po kështu, Manjani do të dijë se përse nuk janë sot pas hekurave ata punonjës të policisë Krujë, që punuan për ta zhdukur këtë çështje? Ish-ministri nuk e lë me kaq, por pyet se kur do të thirren për dëshmi deputeti Rraja, Taulant Balla e kryeministri Rama.
