Real Madrid do të jetë finalistja e dytë e Botërorit të Klubeve, pasi mposhti Al Jaziran me rezultatin e ngushtë 2-1. Ronaldo dhe më pas Bale kanë përmbysur rezultatin e pjesës së parë duke siguruar finalen. Me këtë gola portugezi thyen një rekord si lojtari që ka shënua më shumë gola në këtë kompeticion. Ndërsa Bale pas rikthimit nga dëmtimi ka shënuar në prekjen r tij të parë të topit, një rekord më vete ky i uellsianit.
Madrilenët dominuan pothuajse gjatë gjithë ndeshjes por në pjesën e parë ishin të pafat dhe portieri Housani ishte në një formë të jashtëzakonshme duke u mohuar golin. Ronaldo gjen rrugën e rrjetës, por futbollistët e Al Jaziras kërkojnë të shikohet në VAR për shkak të pozicionit jasht loje dhe goli u anulua. Pesë minuta më vonë janë ata që gjen rrugën e golit me anë të brazilianit Romarinho, pas një kundërsulmi perfekt.
Ndërsa në pjesën e dytë Ronaldo arrin të barazojë shifrat në minutën e 53’ pas një asisti të kroatit Modriç. Ky i fundit ka zhvilluar një ndeshje fantastike, duke krijuar raste të panumërta për shënim.
Në fundin e takimit Zidane vendos të zëvendësojë Benzema dhe të hedhë në fushë Bale, kjo ishte lëvizja taktike që solli fitoren. Pasi uellsiani arrin të shënojë në topin e parë që prek, vetëm një minutë pasi zbret në fushën e lojës. Me rezultatin 1-2 në favor të madrilenëve ka përfunduar dhe sfida ku është caktuar edhe finalisti i dytë. Është Gremio që kishte siguruar kualifikimin një natë më parë për në finalen, e cila do të zhvillohet në datë 16 në Abu Dhabi.
