Real Madrid është kthyer tek fitoret pas dy humbjeve radhazi që bëri me Gironan në kampionat dhe Tottenham në Champions League. Madrilenët kanë mposhtur me rezultatin 3-0 Las Palmas në “Santiago Bernabeu”, në ndeshjen e javës së 11 në La Liga. Kjo fitore vjen në momentin e duhur për të bërë ndoshta kthesën e rezultateve negative pikërisht para derbit që kanë përpara me Athletic Madrid.
Las Palmas sezonin e kaluar kishte arritur ti marrë pikë në të dyja përballjet Realit, pasi kishin barazuar në të dyja ndeshjen në 3-3 dhe 2-2. Zidane mbanë sërish vendin e tretë në renditje me 23 pikë, por diferenca me kryesuesit e Barcelonës është e thellë me 8 pikë.
Në ndeshjen e sotme Real Madrid e dominon pothuajse të gjithë ndeshjen dhe golat shënohen nga Casemiro në pjesën e parë dhe Asensio dhe Isco në të dytën. Një ndeshje mjaft pozitive për djemtë e Zidane, por bie në sy mungesa e golave për sulmuesit, të cilët akoma nuk po arrijnë formën e tyre më të mirë dhe të ndihmojnë ekipin.
&
