Luciano Spalletti është kthyer të flasë përmes një fotoje të postuar në rrjetin e tij në Instagram, për të kundërshtuar zërat se në ekipi e tij ka lojtarë të padëshiruar dhe titullarë të padiskutueshëm. Ai është shprehur se ndeshjet fitohen nga të gjithë lojtarët, pasi më e rëndësishme është puna që bëjnë ata gjatë javës.
“Vetëm në mendjen e armiqve mund të ekzistojë dallimi mes titullarëve dhe të lënëve jashtë. Ndeshjet fitohen së bashku, gjatë gjithë javës. Gjithmonë e më shumë të bashkuar, gjithmonë e më shumë Inter”, shkroi Spalletti në llogarinë e tij në Instagram.
Spalletti aktualisht është një ndër njerëzit më të dashur dhe më të respektuar në Inter, pasi ai ka thyer pritshmërinë me ekipin e tij duke u renditur në vendin e dytë pas 13 javësh. Interi këtë sezon nuk njeh asnjë humbje dhe në 13 ndeshje të luajtura ka arritur të fitojë 10 dhe vetëm 3 janë mbyllur në barazim. Një performancë e jashtëzakonshme e ekipit, ku Spalletti i ka bërë të gjithë lojtarët të ndjehen të rëndësishëm në projektin e tij.
