Kryetari i rikonfirmuar i PD-së, Lulzim Basha ka shkruar në llogarinë e tij në Twitter rreth situatës në vend. Basha ka përdorur dhe shprehjen frazeologjike: “peshku qelbet nga koka”.
Tweet-i i Lulzim Bashës:
“Trushpëlarë, apologjistë me apo pa qira: boll akuzuat njerëzit për të keqen që ka plasur kudo! Është vetëm pasojë e modelit që sundon vendin! Peshku qelbet nga koka!”
Ky reagim ishte i dyti për ngjarjen e Velipojës nga kreu i Partisë Demokratike pasi më herët ai ishte shprehur:
“Kur policia reduktohet në vegël të regjimit për të mbrojtur pushtetin dhe lidhjet me krimin, kur përgjigja e vetme sa herë përgjaken qytetet tona është “hëngshin kokat e tyre”, jeta e qytetarëve, fëmijëve dhe familjeve shqiptare është në rrezik.
Me postimin cinik si i sotmi pas masakrës së Velipojës, përgjegjësi për këtë situatë nuk e fsheh dot përgjegjësinë e tij, por vetëm rikonfirmon gjunjëzimin e shtetit para krimit të bërë njësh me pushtetin e tij të korruptuar deri ne palcë”.
