Haris Ngjeqari, drejtoresha e Postës në Berat ka reaguar pas kallëzimit penal të zv/kryeministres, Ledina Mandija.
Kjo e fundit e bëri dje kallëzimin me arsyetimin se Ngjeqari ka shfrytëzuar postin e saj për t’u shpërndarë formularë vartësve, nëpërmjet të cilëve kërkonte informacion që mund t’i shërbente LSI-së, si dhe ka kërcënuar punonjësit se, nëse nuk e plotësonin këtë formular do të largoheshin nga puna.
Në një prononcim për News 24, kallëzimin penal Ngjeraqi e cilëson si një “farsë të iniciuar për përfitim jo ligjor”. Ajo mohoi të ketë ushtruar presion mbi punonjësit për të votuar LSI-në, dhe siguron se i është bindur me rigorozitet urdhrit të datës 12 maj për mospërfshirje të punonjësit të administratës në fushatën elektorale.
E bindur se ka zbatuar me rigorozitet ligjin drejtoresha e Postës është e gatshme të përballet me hetimet nga organet kompetente.
