Ndërkohë që ndajnë me pak se dy orë nga protesta e opozitës para Kryeministrisë, Ministri i Brendshëm Fatmir Xhafaj ka mbërritur në këmbë në zyrën e tij në Ministri. Ai është pyetur nga gazetarja e “News24”, për një koment ne lidhje me protestën, por ministri nuk ka preferuar të japë ndonjë deklarate, apo koment.
“Se keni parë komunikatën? Nuk kam gjë për të shtuar”, tha ai, raporton BW. 
Ndërkohë pak më parë, Ministri i Brendshëm Fatmir Xhafaj është fotografuar se bashku me Komandantin e Gardës së Republikës, Gramos Sako.
Fotot janë berë nga fotografi Agim Rama, i cili i ka hedhur ato në faqen e tij në “Facebook”, duke shënuar se Xhafaj po jep porosite e fundit për mbarevajtjen e rendit dhe sigurisë në protestë.
