Kryebashkiaku i Tiranës, Erion Veliaj ka folur në lidhje me reagimet e faktorëve ndërkombëtarë lidhur me shembjen e Teatrit.
Këta të fundit dënuan veprimin e Bashkisë, duke thënë se godina u prish në një kohë që ata kishin kërkuar dialog mes palëve.
I ftuar në emisionin “Opinion”, Veliaj tha se disa prej tyre i kanë kërkuar ndjesë për reagimin e tyre. Sipas Veliajt, për çështjen e shembjes së Teatrit janë kryer 12 seanca dialogu me ndërkombëtarët.
“Me komunitetin ndërkombëtar ka pasur 12 seanca dialog, një pjesë e tyre janë ambasadorë të rinj, një pjesë më kanë kërkuar ndjesë pasi ju çova evidencën.
Pasi u informuan shumica e këtyre ndërkombëtarëve që kryetari i bashkisë përpara se ky të emërohej ambasador kishte qenë 12 herë në 12 seanca që ishte tërhequr nga kulla mbi teatër, ishte tërhequr nga prekja e sipërfaqes së teatrit, ishte tërhequr nga bashkëpunimi me privatin me të drejtë thanë që u paske dalë borxhit”, tha ai.
