Pas vendimit të djeshëm për të miratuar protokollin për anëtarësimin e Maqedonisë së Veriut në NATO, presidenti Stevo Pendarovski ka zgjedhur të falenderojë SHBA-në në gjuhën shqipe.
Përmes një postimi në Twitter, Pendarovski deklaron se partneriteti strategjik SHBA-Maqedoni e Veriut vazhdon në Aleancë, duke kontribuuar për stabilitetin dhe sigurinë globale.
“Faleminderim ShBA-së për Ratifikimin e Protokollit për anëtarësim në #NATO në Senat. Partneriteti strategjik ShBA-Maqedonia e Veriut vazhdon në Aleancë duke kontribuar për stabilitetin dhe sigurinë globale”, shkruan kreu i Shtetit të Maqedonisë.
Faleminderim ShBA-së për Ratifikimin e Protokollit për anëtarësim në #NATO në Senat. Partneriteti strategjik ShBA-Maqedonia e Veriut vazhdon në Aleancë duke kontribuar për stabilitetin dhe sigurinë globale.
— Stevo Pendarovski (@SPendarovski) October 22, 2019
