Një rast i rrallë është regjistruar në Itali, teksa një paciente me koronavirus nuk është shëruar ende pas 55 ditësh e shtruar në spital.
Mësohet se tamponi i fundit që i është bërë 23-vjeçares i përket datës 16 prill dhe ka dalë pozitiv.
“Jemi duke e studiuar me kujdes rastin e 23-vjeçares, deri më sot asnjë pacient në Itali nuk ka qëndruar kaq gjatë me koronavirus. Asnjë rast i infektuar me koronavirus nuk kalon javën e katërt. Pacientja nuk është në gjendje të rëndë, në fillim po kishte probleme por pas katër ditësh e shtuar në spital gjendja e saj u përmirësua. Por fatkeqësisht tamponët ende dalin pozitiv”, tha Luciano Attard, mjek specialist në spitalin ‘Sant’Orsola’.
“Tashmë jam bërë një çështje kombëtare”, ka thënë duke qeshur për mediat italiane 23-vjeçarja me COVID-19.
Italia është një nga vendet më të prekura nga koronavirusi në botë, duke regjistruar mbi 197 mijë të infektuar dhe 26,644 viktima.
