Është rritur numri i të prekurve nga koronavirusi në Gjermani. Autoritetet vendase dje konfirmuan se deri tani janë shtatë raste të identifikuara me virusin misterioz kinez. Pacienti i fundit mësohet të jetë mashkull nga rajoni i Bavarisë, që është vatra kryesore ku janë konfirmuar dhe 5 raste të tjera.
“Tashmë janë gjithsej shtatë raste të njohura të koronovirusit në Bavari”, tha Ministria e Shëndetësisë në këtë rajon përmes një deklarate.
Vatra e virusit mendohet të jetë fabrika Stockdorf e Bavarisë, shkruan “Reuters”. Deri tani të prekurit nga virusi janë 5 gjermanë dhe dy kinezë. Analizat janë kryer mbi të gjithë punëtorët e kompanisë, ku pjesa tjetër ka rezultuar negative. Organet kanë vendosur që fabrika të qëndrojë e mbyllur së paku deri të hënën.
