COVID-19 është një virus që transmetohet nga njeriu te njeriu, por kjo ndodh nga kontakti i ngushtë, nga teshtitja ose kollitja. Nuk është një virus që përhapet përmes ajrit.
Ajo ç’ka prek është sistemi i frymëmarrjes që krijon një krizë të rëndë akute të frymëmarrjes. Mjekët thonë se fëmijët mund të jenë në gjendje të përgjigjen më mirë ndaj infeksionit. Sepse ata kanë një sistem imunitar më reaktiv, sesa njerëzit më të vjetër në moshë, të cilët, duke qenë se preken më shpesh nga sëmundje të tjera si hipertensioni, sëmundjet e zemrës, diabeti, mekanizmat mbrojtëse nuk janë të njëjtë.
Një pacient 100-vjeçar kinez, i cili vuan nga Alzhajmeri ka dalë nga spitali, pasi është kuruar me sukses ndaj koronavirusit, me gjakun e dhuruar nga pacientë të tjerë të shëruar. Sipas medias kineze, 100-vjeçari Wang vuan edhe nga sëmundje të tjera, si tension i lartë dhe probleme me zemrën. Ai ishte mes 80 pacientëve që u nxor të shtunën nga një spital në Hubei.
