Një rast i rrallë është regjistruar në Australi, ku një grua ka humbur jetën si pasojë e çukitjeve nga një gjel.
Sipas mediave të huaja, ngjarja ka ndodhur në një fermë në Adelaide, ku çukitjet e vazhdueshme të gjelit në këmbën e zonjës, kanë shkaktuar çarjen e një vene varikoze, duke i shkaktuar asaj hemorragji.
Hemorragjia bëri që 76-vjeçarja të humbasë fillimisht ndjenjat dhe më pas jetën. E moshuara e cila po mblidhte vezët e pulave në fermën e saj, ishte diagnostikuar me hipertension, diabet tip II dhe vena varikoze.
“Edhe kafshët shtëpiake relativisht të vogla mund të jenë në gjendje të shkaktojnë dëmtime vdekjeprurëse te individët nëse ekzistojnë prekje specifike vaskulare”, thuhet në një studim të bërë nga Universitetin e Adelaide.
“Sulmet vdekjeprurëse të gjelit janë shumë të rralla, por kafshët e vogla mund të shkaktojnë vdekjen nga trauma”, deklaron profesori Roger Byard, i këtij universiteti.
Për të parandaluar që incidente të tilla të ndodhin, Byard këshillon që individët të trajtojnë me respekt kafshët, “madje edhe ato të vogla”. Venat varikoze gjithashtu duhet të trajtohen, tha ai.
Ndërkohë, kjo nuk është hera e parë që një gjel ka vrarë ose dëmtuar dikë. Në vitin 2011, një burrë nga Kalifornia u godit me thikë nga një zog gjel deti, të lidhur në gjymtyrën e gjelit. Një gjel “i egërsuar” u bë gjithashtu shkak për panik në Jasper, Arkansas, në korrik, megjithëse nuk shkaktoi dëmtime të mëdha.
