Si pasojë e virusit vdekjeprurës, një person ka humbur jetën në Filipine.
Personi në fjalë është viktima e parë e koronavirusit, jashtë Kinës.
Raportohet se ai ishte një burrë 44-vjeçar kinez nga Wuhan, ku është dhe epiqendra e virusit.
Sipas Organizatës Botërore të Shëndetit ai ishte infektuar para se të mbërrinte në Filipine.
Burri kishte udhëtuar në Filipine nga Wuhan, përmes Hong Kong, me një grua 38-vjeçare, e cila gjithashtu rezultoi pozitive në testin për virusin.
Zyrtarët thanë se ai ishte pranuar në një spital në kryeqytet, dhe më pas zhvilloi pneumoni të rëndë.
Kujtojmë se deri më tani më shumë se 300 persona kanë vdekur si pasojë e virusit të rrezikshëm.
