Kryetari i Partisë Demokratike, Lulzim Basha i është përgjigjur kryeministrit Edi Rama, pas deklaratës se ai ka qenë me një mjek peruan, për të përgatitur dosjen për Shtëpinë e Verdhë, dhe për raportin e Dick Marty.
Sipas Bashës, Rama në vend që të bëjë detyrën po bën zëdhënësin e Beogradit.
Basha shprehet se Rama është përgjegjës për jetët e humbura dhe shëndetin e shqiptarëve.
Kreu i opozitës për përgjegjës kryeministrin për shkatërrimin e ekonomisë dhe të shëndetit të njerëzve.
”Në vend që të bëjë detyrën, Edi Rama bën zëdhënësin e Beogradit. Ai është përgjegjës për jetët e humbura dhe shëndetin e shqiptarëve. Të sëmurët dergjen nëpër ambulanca sepse spitalet janë mbushur plot. Pasi shkatërroi ekonominë ai ka humbur kontrollin mbi pandeminë.’’, shkruan Basha në rrjetin social, Facebook.
Në vend që të bëjë detyrën, Edi Rama bën zëdhënësin e Beogradit. Ai është përgjegjës për jetët e humbura dhe shëndetin e shqiptarëve. Të sëmurët dergjen nëpër ambulanca sepse spitalet janë mbushur plot. Pasi shkatërroi ekonominë ai ka humbur kontrollin mbi pandeminë.
— Lulzim Basha (@lulzimbasha_al) November 8, 2020
“Shtëpia e Verdhë” është banesë në një fshat afër Burrelit, ku pretendohet se janë kryer transplante organesh organe të robërve serbë, për qëllime tregtie pas luftës në Kosovë.
