Ranieri premton surprizën, por PSG ka numra të frikshëm

Java e 13 e Ligue 1 do të sjellë një përballje mjaft interesante, ku PSG do të presë surprizën e këtij viti Nantes, që drejtohet nga Claudio Ranieri. Ky i fundit pretendon se do të bëjë surprizën dhe do ti marrë një rezultat pozitiv parisienëve edhe pse Nantes ka që nga viti i largët 2002 që nuk fiton në fushën e PSG.

Në 18 përballjet e fundit të drejtpërdrejta mes këtyre dy skuadrave, PSG ka fituar 16 dhe ka barazuar 2 të tjera, duke realizuar një total prej 44 golash dhe duke pësuar vetëm 7. Parisi kryesues dhe i pamposhtur do të presë Nantes, skuadra e Claudio Ranieri, që po befason në këtë sezon dhe që mban vendin e pestë në renditje me 23 pikë.

Mundësitë janë shumë të pakta për të realizuar këtë gjë, pasi yjet e Parisit në pesë ndeshjet e fundit kanë arritur shifra ë frikshme, duke shënuar 19 e duke pësuar vetëm 2 gola. Ndërsa një statistikë tjetër që vështirëson misionin e Ranierit është se PSG është ekipi që ka shënuar më shumë gola në shtëpi në të gjithë Europën, plot 22.

Nga ana tjetër, Nante ka pësuar vetëm 1 humbje në 10 ndeshjet e fundit të luajtura në Ligue 1, duke marrë 7 fitore dhe 2 barazime në 9 sfidat e tjera dhe ka mbrojtjen e tretë më të mirë të kampionatit, duke pësuar vetëm 9 gola në 12 ndeshje.