Kryeministri Edi Rama, doli sot në një konferencë për shtyp, ku reagoi për protestën e dhunshme në Kalimash, ku pikat e kalimit të Rrugës së Kombit u dogjën.
Konferenca u transmetua live në të gjitha televizionet informative dhe thuajse të gjithë shqiptarët e panë se si kryeministrit i merrej fryma. Rama njihet si njohës i mirë i komunikimit dhe në asnjë nga fushata e tij elektorale nuk ka pasur këtë mungesë frymëmarrje dhe emocion para kamerave.
Të gjitha këto kode të komunikimit dhe jo verbal tregojnë qartë se kryeministri ka pësuar një “tronditje emocionale” nga ajo që ndodhi sot.
Rama kërcënoi “ Ju siguroj se këto krime do ndëshkohen. Kush e vuri zjarrin dhe kush guxoi të ngrejë dorë mbi policinë”.
Dhe nga gjuha e përdorur tregohet qartë se kryeministri është në një siklet të madh. Jo më larg se dy ditë më parë ai i krahasoi shqiptarët me organin gjenital të mashkullit. Duket se kjo protestë e sotme e ka trembur Ramën dhe e ka bërë të mendohet mirë para se ti ofendojë shqiptarët.
